8 hajar ngut ki khynnah, ki ioh covid ha Maharashtra

Mumbai: 8 hajar ngut ki khynnah, ki ioh ia ka khlam corona virus ha Ahmednagar, jong ka jylla Maharashtra bad katei, la shim, ba ka dei ka dak jong ka jingstad ia ka kylla kaba lai jong ka khlam corona ha katei ka Jylla.

Ha Sangli, kaba dei kawei na ki nongbah nong ka Maharashtra, la pynkhreh kyrpang, ban sumar tang ia ki khynnah rit, lada ki ioh ia katei ka khlam corona. Haduh mynta, ki don 5ngut kiba shah sumar ha katei ka hospital.

Katei ka dei ka jingkhein jong ki 8hajar ngut, kiba ioh ia ka khlam ha u bnai Jymmang, ong U Rajendra Bhosale, uba dei u khlieh jong ka Ahmednagar district.

U Scientific adviser jong ka sorkar India, U Dr K VijayRaghavan, ula dep iathuh lypa, kham mynshwa, ba ka jingwan jong ka kylla kaba lai jong ka khlam corona, ka long ka bym lah lait satia.