Shillong, 18 Nailar:
U dkhot jong ka seng lehnoh ka Garo National Liberation Council (GNLA) u la lait phet ha kane ka sngi Saitjain na phatok na Tura.
U Kennedy Sangma uba kam kum u Area Commander ka Chokpot u la lait phet na patok na katei ka sor ha ka por 8 baje ei ei janmiet ka sngi Saitjain. U la pyndonkam da ki jingthiah ban kiew shalor ka phatok bad phet syndon bak.
U Kennedy Sangma u la shah et ha ruh MPDA. Uwei u nongap bathung shipor u la shah beh kam halor kane ka jingjia, katba arngut kiwei la suspen na ka kam.
U DG (Prison) u Prem Singh u la ong ba ki pulit ki dang pynlong ia ka jingthwet kaba jur ia utei u dkhot ba la lait phet. U la iathuh ba ki pulit ki pyrshang ban wad namar ha kano ka rukom u la lait phet na phatok da kaba pyndonkam da ka jain siang jong ka jingthiah.
Ka long ruh ka jinglynngoh kumno utei u lehnoh, u lait phet da kaba ioh ban pyndonkam haduh shibun bah ki jain siang thiah ban kiew ia katei ka kynroh. Ka long ruh kaba phylla bay m don ba iohi haba u kiew ia ka kynroh jong ka phatok kaba jrong bha ha katei ka por kumba ha ka por 8 baje janmiet.
Ka jingkylli kumno ki nongtrei ka patok ki leh ha katei ka por haduh bym iohi shuh ia ka jingkiew jong utei u lehnoh.
Phi don ban ong eiei?