8 & 9 tarik ka shad Sukra ka Sein Raij Muthlong

Shillong, 5iaiong:
Ka Shad Sukra ka Sein Raij Muthlong, West Jaintia Hills District, kaba juh long man la u snem, mynta u snem kan sdang naduh ka  8 tarik bad kut ha ka 9 tarik u iaiong ha Madan Nohrong ha Thadmuthlong.
Kumba juh long man la u snem ha kane ka Shad Sukra kan don ka jingkyntip, jingiakop kiba la pynkhreh kyrpang da ki khun ka Sein Raij bapher bapher kum ka Rwai ka Siaw, ka shad Pliang, ka Phawer ka Kynhoi, Mawpoin, Siat Knam, Quiz, Debate, ka Shad ka Kmen ka put ka tem tynrai bad kiwei kiwei ha ka ban pynneh pynsah iaka Riti Dustur ka jait bynriew ka bri u Hyniew Trep.
Kumta ka Sein Raij Muthlong ka khot ka wer ia ki khun ka Bri U Hynniew Trep baroh kiba don ha kylleng ki jaka ban iapoi, ban sakhi lang  ban pyn shong shit iakane ka shad sukra.  Ka Sein Raij Muthlong ka Kyrpad ia baroh kiba wan sha kane ka Shasd Sukra ban long kiba tip Briew Tip Blei, ba yn ym leh kiei kiei ki bym ia hap ha ka imlang sahlang, te la da shem ia kino kino kiba leh kulmar ha kane ka Shad Sukra yn pynshitom kat kum ain. Kane ka long kat kum ka jingpyllait khubor u General Secretary u bah Y.Suchiang.