|
Nongstoiñ: Ka kynhun ialehkai jong ka North East United FC, kala shah pynban haduh 8 tylli ki kol ha ka kynhun ialehkai jong ka Booth XI Malki, ha ka jingiakhun ia ka pre quarter final kaba khatduh eh jong ka lympung 4th Knock out Football Tournament ba la pyniaid da ka New Nongstoiñ Sport Social & Cultural Club (NNSSCC).
Ka jingiakhun kaba la long mynta ka sngi ha pdeng kitei ki ar tylli ki kynhun, ka la long kaba noh shiliang ha kaba ka NEUFC kam shymla ioh lad sati ban pynphai wat tang 1 kol ruh bad na ka liang jong ka Booth XI Malki hadien katei ka jingjop kala ioh ban rung syndon sha ka quarter final jong katei ka lympung. Na ka liang jong ki nongpyniaid jong ka NNSSCC, ki la pyntip ruh ba ka jingiakhun quarter final kaba nyngkong jong katei ka lympung kan long ha ka 24 tarik mynta u bnai ha kaba ka kynhun ialehkai jong ka Boca Junior na Garo Hills kan iakynduh pyrshah ia ka kynhun ialehkai jong ka Rambrai SC na West Khasi Hills |
