Kabul:Hynniew ngut ki briew, ki la iap ei hynnin ka sngi, ha ka jingia thyngngian para briew ha kad liengsuin jong ka Kabul, namar ka jingthmu jongki ban phet krad na la ka Ri, na ka daw jong ka jingsyier mynsiem kaba jur jongki, ia ki ehrang Taliban.
Ka don ka jing ia thyngngian kaba jur, ban ioh rung sha ki liengsuin jong ka America, England, ban phet noh na katei ka Ri, kaba la synshar da ki ehrang Afghanistan.
Ka jingjia ha ka sngi saitjain, ka dei ka jingjia kaba sniew tam, naduh ba ki synshar ki ehrang Taliban, ha Afghanistan, ha kaba ki shipai jong ka UK, US, ki la dei ban siat sha suin, ban pyntieng ia ki riew paidbah, na ka jing ia tur ruma jongki, sha ki jaka ba don ki liengsuin ban kit ia ki briew shabar jong ka Afghanistan.
Kitei kiba iap lane kiba shah iuh para briew, ki kynthup ia ki shynrang, ki kynthei bad ki khynnah, ha kaba ki la shah ngiat para briew, hapdeng ka jingshit kaba long 31C, ha kaba bun na kitei ki la kyllon ha madan, na ka jingtlot bad ka jingthang jong ka jingshit ka sngi.
Ki Taliban, ki kynnoh ba ka America, ka la pheil, ban pyn thanda ia ka jing ia lum briew ha katei ka kad liengsuin.
Ka tnat iada ri jong ka Afghanistan, ka kam ba ki don 7ngut kiba iap, katba ki don pat kito kiba iohi, da la ki jong ki khmat, ki kam, ba kiba iap, ki la poi sha ka 15ngut.
Phi don ban ong eiei?