Ka kompeni AMAZON, ka la thaw ia u drone, uba pahara ia ka iing ka sem jongphi, haba phim don ha iing bad ban peit ia ki wan rung ki nongtuh lane ki riew runar.
La iathuh ba ka dor jong utei u drone, kan shongdor $250 bad utei un peit ia ki jingkhang kiba khlem khang, ka jing pynmeh kai ia ka stove bad un ring dur bad beh thong ruh ia u nongtuh, uba wan rung sha iing jongphi.
La iathuh da ka Amazon, ba u drone un her hi, ha kano kano ka por, ba ka don ka jingwan rung beain da ki briew kiba nabar ha iing jongphi.
Utei u drone, un ring ia ka video bad phah mar mar sha u trai iing, uba don shabar ba un tip, ba la don jingjia ha iing jongu bad un beh thong ruh ia u nongtuh, katba u dang don ha phyllaw iing.
Ka kompeni Amazon, ka iathuh ba utei u drone, haba u her ha iing, ha ki kamra bapher, u pynmih ruh ia ka sur, ba kito kiba shong ha iing, kin tip ba u dang ring ia ki dur ki dar.
Phi don ban ong eiei?