77ngut kiba iap corona, ha ka shi sngi ha Assam

Ka khlam covid, ka la nang kiew stet ha Assam bad ha ki 24 kynta ba ladep, ki don haduh 77ngut kiba iap na katei ka khlam ha ka jylla.

Na kitei ki 77ngut kiba iap, ki don 30ngut kiba iap, tang na Kamrup Metro District.

Kiwei kiba iap, ki kynthup ia ka Kamrup-Rural – 10, Dibrugarh – 10, Bongaigaon – 4, Golaghat, Nagaon, Nalbari, Sivasagar – 3 ngut na kawei kawei ka District, nangta ka Hojai, Tinsukia, Udalguri – 2ngut na kawei kawei ka district bad kiwei pat.

Kiba iap ha Assam, ki la poi mynta sha ka 1753 ngut bad kiba ioh pang, ki long sa 5803ngut hynnin ka sngi bad na kitei ki kynthup ia 1481 ngut, tang ha ka nongbah Guwahati. Ha Assam, kiba don ia katei ka jingpang, mynta ki long 37500ngut.