Ka J Jayalalitha, myntri rangbah barim ka Tamil Nadu, ka la shah sumar 75 sngi ha Apollo Hospital ha Chennai bad tang ka bai bam jongka, ha kitei ki 75sngi, ka shongdor T.1.17 klur.
Ki kot ki sla kiba la aiti da katei Hospital, sha ka kynhun tohkit, ka pyni ba ka bai shah sumar jongka, ka long T.6, 85, 69, 584 bad katei ka pisa ka dang sah ban siew sa T.44.46 lak. Ka Jayalitha, ka la leit sah ha katei ka Hospital, ha ka 22tarik Nailur 2016 bad ka la khlad ha ka 5tarik Nohprah 2016.
Ka seng AIADMK, ka kam ba ka la siew T.6klur sha ka Hospital, ha ka 15tarik Jylliew 2017 bad ka la dep siew ruh T.41lak ha ka 13tarik Risaw 2016, hynrei ka Hospital, ka pyni, ba ka dang shah ram haduh ha kine ki sngi.
Ka bai peit doktor ka long T.71lak, nangta sa T.1.92klur ka bai sumar sukher ia ka, ka bai dawai T.38lak bad nangta sa T.92lak na bynta ka jingwan khnang U Dr Richard Beale na UK and bad sa T.12 lak na ka bynta ka jing sumar physiotherapy na Mount Elizabeth Hospital, Singapore bad tang ka bai kamra jongka, ka shongdor T.1.24 klur.