72kynta khot pakhang shnong, ba sniew surok palat sha Narpuh

Jowai, 28 Jymmang:
Ka Dorbar Dong Namchiang kaba kynthup 17 tylli ki shnong ki shnong kiba don ha poh ka Elaka Narpuh, ka la pyllong ia ka jing ialang paidbah ha ka 28tarik Jylliew 2014 ha ka iing dorbar ha Umkiang, ha kaba la wan ban shim bynta baroh ki Rangbah shnong bad ki nongmihkhnmat jong ki shnong bapher ba pher ka thain.
Ia ka jing ialang la pyniaid  da U Tym menbah (Chairman) Ma Atiar Bamon Rangbah shnong ka Tongseng, U Secretary  Ma An dreason Masar rangbah shnong ka shnong Pyrtakuna. La rai ha kane da kawei ka jingmut ban pynbor ia Sorkar ban pyntrei noh ia ka Surok NH – 44 da kaba pynlong ia ka pakhang shnong bad ka pakhang surok kaba 72 kynta kata naduh 04tarik Jylliew 2014 por 5.00baje mynstep haduh ka 07tarik Jylliew 2014 haduh ka por 5baje mynstep.
Ka pakhang surok kan long ha ka 5tarik Jylliew 2014, naduh ka por 5baje mynstep, haduh ka 7tarik Jylliew 2014, haduh ka por 5baje mynstep.
Kat kumba la paw ha kine ki por  ba la dep ka elaka narpuh ka la shim da ka rai  ban pakhang shnong, hynrei u DC ka East jaintia Hills u la phah  da ka jingthoh sha u Doloi ka Elaka narpuh bad Copy sha ki Rangbah Shnong baroh, kat kum ka shithi No:EJD/rev 18/2012/75, kaba 7tarik Jymmang 2014, ha kaba la iathuh, ba ka NHAI, ka la mang pisa bad sdang trei ruh. Hynrei ha duh mynta  ym pat i don dak ei ei ruh ia kata ka jing trei  surok.
Ki paidbah mynta ki ia kynduh jingeh  kham tam ha ka shitom ka pang, ki khynnah skul kumjuh ruh ki nong khaii pateng, namar ka jing sniew palat put ka surok bad kane ka long ka jing ibein jong ka Sorkar ia ki briew, sha kane ka thain. Dei na kane ka daw ka dorbar, kaba la long ha ka 28tarik Jymmang 2014  ha Umkiang , ki paidbah ki la rai dukhi ba kin nym shah pynbieij shuh ha ki ophisar Sorkar bad kin nym kren shuh bad u DC  EJH lada phah khot ia kren ruh. La shim ruh ia ka rai, ba lada katei ka jingiakhih, kam trei kam, kin leh syndon, da kaba khlem buh por pynkut satia.
Ka Dorbar Dong Namchiang ka kyrpad ruh ia ki paidbah ba kin ia snoh kti lang  bad maham ruh ha ka juh ka por ia ki riew shim kabu bad kane ka jing iakhin ka dei ban long kaba shong suk shongsain ban wan rah ka jing myntoi ia ki paidbah.