Nang kiew, ka Covid 19 ha India, poi sha ka 2.07lak

Sa 9 ngut ki don kiba ioh pang COVID-19 ha Nagaland bad kitei ki dei kiba dang shu wan phai na Chennai.

Ha ka tweet jongu, mynta ka step, U S Pangnyu Phom, myntri ka koit ka khiah ka sorkar Nagaland, u iathuh ba ki don mynta 58 ngut baroh kiba don ia katei ka jingpang.

Ka jingpang coronavirus ha India, ka la kiew da 8,909 ngut ha India, ha ki 24 kynta ba ladep bad mynta kiba pang, ki la poi sha ka 2,07,615, katba kiba dang ioh pang, ki don 1,01,497, kiba la jem ki long 1,00,302 bad kiba iap, ki la poi sha ka 5,815 ngut.

Kito kiba ioh pang ha kylleng pyrthei, ki la poi mynta sha ka 3.6 million bad kiba iap, ki long 380,180, katba kum ka jingtip, ba la ai da ka John Hopkins University.