70ngut kiba ioh pang covid mynta ka sngi, kiew ka East Khasi Hills

Shillong: Kiba ioh pang corona virus mynta ka sngi, ki don 70 ngut.

Na kitei ki kynthup ia 45 ngut ha East Khasi Hills, ha kaba ki riew paidbah, ki long 44 ngut. Ha West Garo Hills, ki don 10 ngut ki riew paidbah, ha South Garo Hills 5 ngut, South West Garo Hills 4 ngut, Ribhoi District 3 ngut, East Garo Hills, North Garo Hills, West Jaintia Hills mar iwei.

Kiba la jem ki long baroh 99 ngut bad kiba iap, ki long 2 ngut, na East Khasi Hills.

Kiba dang don ha ka jingpang, ki long 894 ngut baroh bad na kitei ki kynthup ia 441 ngut na East Khasi Hills, Ribhoi District 32 ngut, West Jaintia Hills 11, East Jaintia Hills 9, West Garo Hills 239 ngut, South West Garo Hills 34 ngut, South Garo Hills 41 ngut, East Garo Hills 45, North Garo Hills 10 ngut.

Baroh kiba la jem ki long 10,335 ngut bad kiba iap, ki long 110ngut.