Shillong: Ki nongialam jong ka KHNAM, ba la ialam da U Bah Pyndap Saiborn, President lem bad ka State Youth Wing, ki la leit ban hiar ha Iewduh mynta ka sngi, da ka jingthmu ban sngewthuh bad ban pynshisha ia ka jingma kaba wan lyngba ka jingioh lad jong ki mynder ban bat ia ka khaii ka pateng. Mynta ka sngi 21tarik Lber 2019, ka dei ka sngi leh niam jong ki jaitbynriew ki bym dei ki riewlum trai Ri, bad ki nongialam jong katei ka seng, ki la leit khnang ha kane ka sngi ban peit ia ka jinglong jingman jong ka iew. Ha katei ka jingleit, la la lap ba kumba 70% ki dukan ki khang, namar ki dei ki dukan jong ki bymdei ki riewlum trai Ri.
Halor kane ka phang, ka KHNAM, ka ong ba ka KHADC ka dang shu ioh ia ka EC kaba thymmai bad da ka jingkyrmen la ap khmih lynti ban iohi ia ki kam ki ban long ka jingmyntoi ia u paidbah bad ban pynskhem ia ka hok longtrai jong ngi. Ka seng kan long kaba peit pyrman ia ki rukom treikam jong ka KHADC bad kam salia ban mih shakhmat lada ka don ka jingshim sting na ka liang jong ki bor ba dei peit, ong ka kyrwoh na U Bah Thomas Passah, President, KHNAM State Youth Wing.
Phi don ban ong eiei?