70 ngut ki sohblei ban shah pynkyntang na Mawlai

Shillong,
3 Kyllalyngkot:
Mynta u snem ki la don haduh 70 ngut ki sohblei ki ban sa shah pynkyntang sohblei , bad kitei ki 70 ngut ki ban sa shah pynkyntang ki dei kiba la mih bad pyndep ia ki jingpule jong ki na ki ar tylli ki jaka pule na Mawlai kata 40 ngut na Sacred Heart Theologate, Phudmuri bad 30 ngut pat ki dei na Oriens Theological College, Motsyiar.Ha ka 16 tarik u Rymphang 2014 pat yn pynkyntang lyngdoh ia u Dikon Bevan Rodrigues Mukhim, SDB ha madan Parish,Mawlai ha ka por 9:30 baje mynstep.
Ia u Dikon Bevan Rodrigues Mukhim, SDB la kha ha ka 19 Jymmang 1980. U dei u khun jong u Bah John R H Diengdoh (ba la khlad noh) bad Kong Metilda Mukhim, kiba shong ba sah ha Maw lai Kyntonmassar. U dei u khun basan napdeng ki khyndai ngut shipara. Hadien ba u la pyndep ia ki jingpule bad shah pyntbit ha ki kyrdan bapher bapher; khatduh eh u la pyndep ia ka BTh na Sacred Heart Theological College. Kaba sah mynta ka long ka jingkyntang shohblei ia u, da kaba shim ia ka jingsmai ba khatduh ban im duk, sotti bad pyndem ha ka jingkohnguh ia ki bahalor ka Seng Selesian.
Shuh shuh namarba katei ka jingpynkyntang phadar ia u Dikom Mukhim ka ia tyngkhuh bad ka sngi rakhe Platinum Jubili ka Mawlai Parish la ong ba katei ka sngi pynkyntanng ia u kan long ruh ka sngi ba kynsai tam jong ka jinglehkmen jubili ka Parish. Ha ka jinglehkmen platinum jubili ki la don shibun ki prokram ba ka Parish ka la buh ban pyndep.