7 Nohprah, yn rai ka Supreme Court

Shillong, 23 Naiwieng:
Ka jingbishar jong ka Supreme Court, halor ka iktiar jong ki Rangbah Shnong, ha Ri Khasi Jaintia, kaba dei ban long mynta ka sngi, la pynkynriah noh sha ka 7tarik Nohprah 2015.
Ha ka jingiakren bad uwei na ki nongmudui ha katei ka kashari ba heh duh, U bah Pynskhemborlang K Sawian, u iathuh ba ka daw, ka long namar ba u shitom u nongiasaid jongki bad ka dei halor katei ka jingshisha, ba la hap ban pan por noh da kawei bad ba la pynkynriah noh ia kane ka sngi, kaba mynta bad ba la buh noh, da katei ka tarik ba thymmai.
Lah ban pynkynmaw, ba ki saw ngut ki samla Khasi, ki la leit ban ujor sha Supreme Court, halor ka jingshah pynduh bor jong ki Rangbah Shnong, ka Ri Khasi Jaintia, katba kum ka hukum jong ka Meghalaya High Court, kaba 27tarik Kyllalyngkot 2015 bad kitei ki saw ngut, ki long U Bah Lber Laloo, Bah Pynskhemborlang K Sawian, U Bah Madal Sumer bad U Gavin M Mylliem.