Shillong: Phra ngut ki MDC ha GHADC ki la leit ban iasoh bad ka NPP bad kane ka mut ba ka Executive Committee kaba ialam da u Boston Ch Marak na ka Congress kan sa khyllem noh.
Kine kiba la iasoh sha ka NPP, ki long u Nripendra Koch, Smith Momin, Dhormnath Sangma, Jasonsing Sangma kiba dei na ka Congress. Katba kiwei pat ki long u Righteous N Sangma na NCP, Medhinson C Momin bad Derice M Sangma ki MDC shimet. Kine ki la rai ruh ban kyrshan ia ka Executive Committee ban ialam da ka NPP.
Hynne ka sngi, ki la wan ban iakynduh ruh ia ki nongialam ka NPP kynthup u James K Sangma u myntri ka district council nalor u myntri rangbah u Conrad K Sangma. La sngewthuh ba ka Executive Committee (EC) ba ialam da u Boston Ch Marak kan khyllem noh shen.