Shillong:Kum shibynta ban kyrshan ia ki longkmie ha ka Jylla na ka liang ka Tand Social Welfare ka Sorkar Jylla ka la shim shibun ki sienjam ban pynlong ia ki longkmie kiba lah ban ieng ha la ki jong ki kjat ban bsa ia la ka longing longsem, ia kane la iathuh da ka kong C D Lyngwa kaba long ka Director ka Social Welfare.
Haba kren halor ka International Women’s day, ka Kong CD Lyngwa k la long dei lyngba kane ka sngi ba la pynkup bor ia ki kynthei, kaba la pynlong ioh lad ban ïeng ha kajuh ka rynsan bad ki hynmen ki para shynrang.
Ka la pynpaw ba ka don ka Women’s Development bad hapoh kane ka don ka mission shakti kaba mut empowerment, ki don ruh ki scheme kiba iarap kyrpang ia ki kynthei.
“Ki khynnah kynthei kiba wan na ki longing kiba shitom ki ba donkam ka lad jingiarap, ka sorkar ka la ai ka jingiarap ia ki ban shah hikai kum ha ka embroidery, weaving bad kiwei” u la ong .
U la bynrap “Ka Social Welfare department ka Govt Meghalaya ka don ia ka mission shakti kaba ka la aikam ia ki 600 ngut ki samla bad kumba 400 ngut na ki, ki dei ki kynthei ki wan kum ki counsellor, educators, teacher bad kiwei kiwei”.
Ka kong Lyngwa haba jubab ia ka jingkylli halor kiei ki bynta ba kongsan ba donkam ban pynlong shisha ka sngi ba kyrpang ki longkmie, ka la ong ba kaba donkam hi ka dei ka jinglong jingman, ka jylla Meghalaya hi ka don ka jingshitom jaka, ban ioh ka ophis, wat la ka wan ka pisa na ka sorkar India ruh.
Ka la ong shuh shuh ba ka ba ka sorkar hi ka lah ban leh mynta ka long ba ka don ia ki Aganwadi centers 6000 na kine kiba don ha ka sorkar ki long 3000 kiba dang hap wan jaka, na kane la shim ram ruh ban shna ia ki center kumba 2000 tylli ki center, katba haba iakren ia pynbeit bad ki Rangbah Shnong dang ioh jaka tang kumba 150 eiei ban shna center. Kine ki Aganwadi centers kin iarap ia ki khynnah ban ai jinghikai, namar ka jingeh ban ioh bun ki khun.
Ka la ong ruh ba hapoh Meghalaya ha ka 1 bnai kumba 7000 tam ka jingkha khyllung ha ka shisnem ka long 80,000ngut.
Kaba donkam mynta ka long ba ka imlang ka sahlang kan snoh kti lang bad ka sorkar. Lada don ha kata jylli ka jingiasngewthuh lang kaba kumno na ka bynta ka lawei jongki bad dei hangne ba ka don ka Early childhood Development mission kaba hikai ia ki kmie ki ba kha ba pun.
Phi don ban ong eiei?