7-1 pynliem ka Meghalaya ia ka Jammu & Kashmir

Shillong: Hadien ba la pynliem 5-1 ia ka Kerala ha ka jingiakhun mynshem taiew, ka Meghalaya ka la pylliem biang sa 7-1 kol ia ka Jammu bad Kashmir ha ka jingiakhun myn hynnin ka sngi ha ka lumpung Hero Sub-Junior Girls National Football Championship ba long ha Cuttack.
Ki thei ka Meghalaya ki la pylliem ia ka J&K da ka kol ka Napaleroiki Lytan 4 minit, ka Sunalinda Iawren ha ka 19 minit. Ha ka 36 minit, sa ka Sanfida Nongrum bad ka kol thep hi ka Jammu bad Kashmir ha ka 38 minit.
Ka J&K ka thep ha ka 50 minit hynrei ka Meghalaya ka la thep biang da ka Fragrancy Riwan (55’, 80’) bad ka Da-ai-jingsuk Basaiawmoit (77’).
Da kane ka jingjop, ka Meghalaya ka la kamai bun tam na ka Group G.
Ka Meghalaya kan iakhun sa ia ka Gujarat ha ka sngi Thohdieng ha kaba kat kaba jop kan ioh rung sha ka quarter-phainal.