6tarik, yn iakob nam lahduh Icon IV

Shillong,3 Naitung:
Ka Meghalaya Aids Controll Society kan pynlong ia ka iakob nam lahduh jong ka Meghalaya Icon IV ha ka 6 tarik mynta u bnai ha Laban Sport Club Shillong naduh ka por 12 baje mynsngi. Ka jingthmu ba ka MACS kan pynlong ia katei ka rynsan ka long shi bynta ban pyntip sha ki paidbah ryngkat ka jingpynshai ia ki ia ka jingma jong ka jingpang HIV bad AIDS. Ka jingpynlong ia ka Meghalaya Icon IV ka long ruh ym tang ban sei madan ia ki riew donsap hynrei ba kin kham pynsngewthuh bad ban pynsaphriang ia ka jingtip jong ki shaphang ka jingma ka HIV bad AIDS.
Ka MACS ka la khot sngewbha lut ia baroh ki kynhun tem kynhun put ka jylla ban ia shim bynta ha katei ka rynsan ha kaba kan pynbna ruh ia ka nam jop da kaba ai khusnam haduh t!lak tyngka ia kiba jop ha ka kyrdan kaba nyngkong, T.30 hajar tyngka ha ka kyrdan kaba –ar bad T20 hajar tyngka ha ka kyrdan kaba lai. Kan don ruh ka khusnam kyrpang ia ki nongrwai , ki nongtem kiba tbit kum ki nongtem Bass, Drum bad kiwei da kaba aikhusnam T10 hajar tyngka.