6tarik, yn bam smai ki MDC thymmai ka KHADC, 8tarik yn jied lamphang dorbar

Shillong: Ki dkhot thymmai jong ka Khasi District Council, kin bam smai, ha ka 6tarik Lber 2019 ha District Council Hall, Shillong.

Na ka liang jong U Lat ka Jylla, ula bthah ia ka dorbar ba nyngkong jong ka KHADC, ba kan ia kynduh ha ka por 11baje mynstep jong ka 6tarik Lber 2019, na ka bynta ba kin bam smai ki dkhot thymmai jong ka iing dorbar KHADC.

U Lat ula buh sngi ruh ha ka 8tarik Lber 2019, ha ka por 11baje mynstep, na ka bynta ban jied ia u lamphang dorbar jong ka KHADC.

Ka Deputy Commissioner, East Khasi Hills district kan pyniaid ia katei ka dorbar ba nyngkong, ha kaba kan pynsmair uh ia ki dkhot ba thymmai, katba kum ka  rule 24 jong ka Assam & Meghalaya Autonomous Districts (Constitution of District Councils) Rules, 1951 bad ba kan pyniaid ruh ia ka jingjied ia u lamphang dorbar jong ka KHADC.

Katba kum ka jing ia mynjur jong ki seng synrop, la pynbeit ba ka NPP kan khlieh ia ka EC ha Jaintia District Council, katba ka UDP kan khlieh ia ka EC ha Khasi District Council.