“699ngut ki thei khaii met & 173ngut kiba dang marwei”

Shillong, 20 Iaiong:
Ka director ka Man bha Foundation ka Dr Rica Lamar ka la iathuh ba ki don 273 ngut ki kynthei ba khaii met kiba bun ki dei ba ri khun rei na ki 699 ngut kiba leh ia kane kam.
Ka Dr Lamar ka la ong ba ka jingkhein ka la pyni ba na ki 379 ngut kiba leh ia kane ka kam khaii met, 173 ngut ki dei kiba long marwei, 22 ngut kiba la iaphet lok, 4 ngut kiba iap lok bad 147 ngut kiba im bad kiwei pat.
Ka la ong ba ki khun ki kti jong kine ki kynthei, ki dei kiba dang don hapdeng 2 haduh 5 snem.
 ”Bun na kine kiba khaii met, ki leh ha iing ne ha ki hotel. Katto katne na ki, ki dei kiba shang surok”, la ong ka director ka Manbha Foundation  haba wanrah ia ka jingkren ha ka jingiadei bad kane ka phang kaba long hynne ha ka nongbah ha NEHU.
Ka Dr Lamar ka la ong ha Jowai, na ki 320 ngut kiba rejister, ki don  100  ngut kiba long marwei.
 ”Bun na ki, ki shong ha ki Dhaba bad ha ki surok” ka la ong.
Ka director ka Manbha Foundation ka la ong ba kaba pynlong ia ki ban khaii met ka dei ka jingduk, ka jingbym ioh  lem kumba kiwei ki ioh nalor kiwei ki jingeh.
Kumba 90 percent na kine ki nongkhaii met, ki dei kiba shah iehnoh lok, kiba shah ialam bakla bad ka jingklim jong ki lok jongki bad don kiba u kpa u shu long mendih.
Ka Dr Lamar ka la ong ba khyndiat na ki kiba shah pynlong, tang ka ban pynhun ia ki lok bad kim shym la kitkhia ia ka kam iing bad kim don ka jingkitkhlieh kum ki kpa.
 ”Kane ka la pynlong ia ki ban pyndonkam ia ki shynrang na ka bynta ban ioh pisa”, ka la ong.