Ki don 693 ngut, kiba dang shu ioh ia katei ka jingpang ha ki 24 kynta ba ladep ha India bad baroh kiba ioh ia ka jingpang corona, ki la poi sha ka 4,067ngut bad na kitei ki don 1,445ngut kiba don jing iasnoh bad kito kiba wan sha ka jinglehniam jong ka Tablighi Jamaat, ong U Lav Aggarwal, Joint Secretary, Health Ministry. Na kitei ki don 76 percent ki shynrang bad sa 24 percent ki kynthei.
Kiba iap ha ki 24 kynta ba ladep, ki don 30 ngut bad baroh kiba iap haduh mynta, ki la poi sha ka 109ngut.
Ka khubor jong ka News 18, ka iathuh shuh ba ka PTI, ka kam ba ka ioh jingtip, na ki jylla bapher, ba kiba iap, ki la poi sha ka 126ngut bad kiba pang, ki don 4,111ngut.
Haduh mynta kiba iap ha kylleng pyrthei, ki la poi sha ka 70 hajar ngut bad na kitei ki don 50,215 ngut kiba iap tang ha ki Ri Europe. Ka jingiap ha Italy, ka long 15,877 haduh mynta bad ha Spain 13,055, ha United States, ka long 9,648ngut bad ha France ki don 8,078ngut.
Phi don ban ong eiei?