63ngut ki samla pule na Meghalaya, ki la wan phai noh na Bangladesh

Shillong:Hadien ka jingia umsnam kaba jur ha Bangladesh, kumta ka sorkar Meghalaya, ka dang iai bteng ban wad jingtip na ka Bangladesh High Commission bad ka Indian High Commission, Land Port Authority, Dawki bad ki nongkhaii ruh kumjuh bad ka dang wad ki lad ki lynti, na ka bynta ka bha ka miat jong ki samla pule kiba don ha katei ka Ri.

Haduh mynta, la iathuh ba ki don 161 ngut ki samla pule kiba na India, ha kaba 63ngut ki dei na Meghalaya, 95ngut na Nepal, 7ngut na Bhutan, kiba la wan phai lyngba ka Dawki, na ka daw jong katei ka jing ia umsnam ha katei ka ri.

U Ma Hiwot Rymbai MPS Addl SP Jowai (+91 96157 16153), u dei u ophisar, uba don ha katei ka khappud ha ryngkat bad U Executive Officer, Land Port Authority Dawki, Mr. Thomas (‎+91 84150 60802) uba dei u Asst. Nodal Officer. La buh ruh ia ka number Helpline no 1800 345 3644.