627 ngut ha ka shisngi, kiba ioh pang khlam covid 19 ha Guwahati

Ki don sa 859 ngut kiba ioh pang COVID19, hynnin ka sngi ha Assam bad baroh kiba ioh pang ha katei ka Jylla, ki la poi sha ka 18,666 ngut.

U Himanta Biswa Sarma, myntri ka koit ka khiah, ha ka tweet jongu, hynnin ka miet, u iathuh ba na kitei ki 859 ngut, ki don 627 ngut, kiba tang na ka sor bah Guwahati.

Haduh mynta, kiba dang shah sumar na katei ka jingpang, ki long 6,444 ngut, katba ki don sa 12,173 ngut kiba la mih na ki jaka sumar bapher ha ka jylla.