Shillong:Ka tnat kaba peit ia ka Economics and Statistics, jong ka sorkar Meghalaya, ka la pynmih ia ka jingkhein jingdiah, halor ka jingdon jong ki nongtrei sorkar, haduh ka 31tarik Lber 2022 bad ha katei ka kaiphod, la pynmih ba ka jingdon ki nongtrei sorkar, ka poi sha ka 60836, na kaba ka long 51505 haduh ka 31tarik Lber 2010 bad katei ka pyni, ba ka don ka jingbun ki nongtrei ophis da 18.12 percent, ha kitei ki 12 snem ba la iaid.
Na kitei ki 60,836 ngut, ki don 21734 ngut ki kynthei bad kumta ki nongtrei kynthei, ki kiew sha ka 35 percent, ha kitei ki 12 snem bad la lap ba baroh ki nongtrei kynthei, ki don 36 percent, katba kiba don ha ki kyrdan ophisar, ki don tang 2.80 percent, katba kiba trei ha ki kam paidbah, ki don 27.05 percent bad nangta sa kiba trei peon, ki don 5.87 percent bad ka East Jaintia hills, kaba don 53.18 percent ka dei kaba bun eh ki nongtrei kynthei, katba ka East Garo hills, kaba don 24.51 percent, ka dei kaba duna eh ki nongtrei kynthei bad ki don 53495 ngut ki nongtrei ba pura, lane 87.93 percent, katba ki don 7341 ngut lane 12.07 percent, ki dei ki nongtrei ba shipor.
Na kitei ki 60836 ngut ki nongtrei, ki don 56790 lane 93.35% kiba dei ki Scheduled Tribe, nangta 288ngut lane 0.47% ki ScheduledCaste, 704 lane 1.16% ki Other Backward Classes bad sa 3054 lane 5.02% ki dei na kiwei pat ki jaitbynriew bad katei ka khana samari, ka pyni, ba na kitei ki 56790ngut ki nongtrei kiba dei ki Scheduled Tribe, ki don 61.69% ki Khasi & Jaintia bad sa 35% ki dei ki jaitbynriew Garo, nangta 3.32% na kiwei pat ki jaitbynriew.
Na kitei ki 60836 ngut ki nongtrei, ki don 4459 lane 7.33 percent kiba dei ki ophisar heh, nangta 47011 lane 77.27 percent, kiba trei paidbah lane Non Gazetted bad sa 9.366ngut lane 15.40 percent kiba dei kiba trei Grade IV bad na ki 4,459ngut ki don 24.09 ngut kiba trei ha ki nongkyndong bad na ki 56,377ngut kiba trei paidbah bad ki Grade IV, ki don 36.94 percent kiba trei ha ki nongkyndong.
Ka East Khasi hills District, ka don ia 24512ngut ki nongtrei bad ka dei kaba bun eh ki nongtrei ophis lane kaba long 40.29 percent bad ka West Garo hils, kaba don 8993ngut lane 14.78 pc, ka dei kaba wan ba ar bad ka West Jaintia hills, ka don 5845 ngut lane 9.61 percent, nangta ka West Khasi hills, ka don 4,649 ngut lane 7.64 percent, ka Ri Bhoi da 3985 lane 6.55%, ka EastGaro Hills district da 3652 lane 6%, ka South Garo Hills District da 2333 lane 3.83%, ka North Garo Hills District da 2084 lane 3.43%, ka South West Garo Hills da 1842 lane 3.03%, ka East Jaintia Hills da 1606 lane 2.64% bad ka South West Khasi Hills da 1335 lane 2.19% bad la pyni ruh ba ki tnat kiba bun eh ki nongtrei, ki kynthup ia ka Police Department da 22.56%, Education Department da 17.87%, Health Department da 17.55%, Public Works Department da 4.85% , Animal & Husbandry Department da 3.28%, Public Health Engineering Department da 3.26%, Forest Department da 2.58%, Agriculture Department da 2.19% nalor kiwei pat.
Phi don ban ong eiei?