Ka jingiap briew ha India, ka la poi sha ka 603 ngut haduh mynta ka sngi, ha kaba ki don 1,329 ngut kiba dang ioh pang thymmai bad sa 44ngut kiba iap ha ki 24 kynta ba ladep. Kiba ioh pang haduh mynta, ki don 18,985 bad na kitei ki don 15,122 ngut kiba dang shah sumar bad 3,260 ngut kiba la jem bad 603 ngut kiba iap, ong ka tnat ka koit ka khiah ka sorkar India.
U Ram Vilas Paswan myntri ka tnat sam bam sam dih, u iathuh ba ka jingdon mar ha ka Ri, ka long 539 lak ton bad kumta, kam don kano ka jingduna mar bam ha ki bnai ki ban sa wan. La ong shuh shuh ba ka sorkar India, ka la bthah ba ki sorkar Jylla, ki dei ban sam bam sha ki paidbah ha ki jylla jongki bad ba ym bit ba don uwei ruh uba im khlem bam.
Ka sorkar West Bengal, ka la pynmih ia ka hukum ban siew T.10lak kaba dei ka insurance, na ka bynta ki nongthoh khubor, kiba la ithuh da ka sorkar, ha katei ka Jylla.
Phi don ban ong eiei?