Shillong:U Symbud myntri rangbah bah Prestone Tynsong ba peit iaka tnad PWD u la ong ba ka surok na Them Basuk (Happy Valley) sha Mawshbuit ka dei jong ka PWD bad kam dei jong ki shipai GTC.
Ia kane ula jubab halor ka jingkylli kaba la wanrah u MLA ka Mawryngkneng bah Heavingstone Kharpran ha ka iing dorbar mynta ka sngi Palei.
U bah Prestone ula ong ba 600 metre ka hap ha ka jaka ki shipai GTC kaba la lap katkum ki kot ki sla ha u snem 1962 bad shwa ban rung sha ka jaka ki shipai ki buh da ka khyrdop. U la ong ba ka sorkar ka maramot ia kane ka surok hadien ba la iakren bad ki bor shipai.
Na ka liang u MLA u la pynpaw ba ki shipai ki ju pyndik ia ki paidbah sha katei ka jaka bad u la kyntu ia ka sorkar ba kan tuklar.
U bah Prestone ula ong ba ka s orkar ka dang wad lad ban shna surok noh na ka jaka kaban lait na jaka shipai bad ka don ka jingthmu ban iaid na Mawlynngad sha Mawshbuit sha Mawlynrei sha Mawkasiang bad ka sorkar ka dang iakren bad ki jaka trai jaka.
U MLA ka Nongthymmai u bah Charles Pyngrope ula ong ba ki shipai ki ju khang khyrdop 9baje mynmiet bad kane ka la buh jingeh ia ki paidbah ba leit ba wan bad ula kyntu ba dei ban plie beit ia ka khyrdop namar ba ka dei ka surok paidbah.
Phi don ban ong eiei?