60 ngut kiba ioh Covid-19 bad 89 ngut ki ba ioh jingkoit mynta ka sngi

Shillong: U Myntri ka tnad ka koit ka khiah u bah Alexander L Hek u la iathuh ba mynta ka sngi 60 ngut ki briew ki ba la test Covid Positive, na ki ne ha East Khasi Hills District 46 ngut ha West Garo Hills District 11 ngut bad ha South West Garo Hills District 3 ngut.

Na East Khasi Hills District 46 ngut ki kynthup ia ki 32 ngut ki High Risk Contact, uwei u nongtrei ka tnad ka koit ka khiah, u wei na jaka test Golflink, 2 ngut na ja ka test ha Mawprem, uwei ha jaka test ha Khyndai lad, uwei ha jakatest ha Qualapaty bad uwei ha jaka test ha Umpling.

Ha West Garo Hills District 11 ngut ki kynthup ia ki 7 ngut ki High Risk Contact bad 4 ngut ki ba wan phai na sha bar ka jylla, ha South West Garo Hills District 2 ngut ki dei ki kynhun shipai bad uwei u ba wan phai na shabar ka jylla. Haduh mynta ki briew ki ba la ioh ka jingkoit kaba pura ki long 3868 ngut kynthup ia 89 ngut kiba la koit mynta ka sngi haduh mynta ki ba la khlad na ka ne ka jingpang ki long 46 ngut.

ha ka jylla ki briew ki ba don ia ka ne ka jingpang ki long 1448 ngut, ha East Khasi Hills District 943 ngut ha West Khasi Hills District 8 ngut,South West Khasi hills District 3 ngut ha Ribhoi District 96 ngut, ha West Jaintia hills District 8 ngut ha East Jaintia Hills District 216 ngut, West Garo Hills 126 ngut, South West Garo Hills 11 ngut South Garo Hills 2 ngut East Garo Hills 12 ngutNorth Garo Hills 23 ngut.