6 tylli ki ejahar ba la ujor pyrshah ïa ki sengbhalang, ong u SP

Shillong:U Superintendent of Police ka East Khasi Hills u Bah Sylvester Nongtnger u pyntip ba ha ka 17 tarik Naitung, ki Pulit ki la register haduh 6 tylli ki ejahar (FIR) pyrshah ïa ki nongïalam Sengbhalang namar ka jingkhynra mynder.

U pyntip ba la phah notice ruh sha ki nongïalam jong ki sengbhalang katkum ka kyndon 35 (3) BNSS.
U Bah Sylvester u pyntip, “6 tylli ki case la register ha East Khasi Hills District bad watla ym pat shym la kem ïano ïano ruh, ngi la dep ban phah notice sha ki”.Haba kylli, u SP ula ong, “Phi la ïohi ha ki kot khubor ba katto katne ki Sengbhalang ki la pynlong ïa ka jingkhynra nongbylla ha kylleng ki jaka ka East Khasi Hills. Ngi la bthah ïa ki Sector Officer, ki OC bad IC ba kin pyrshah ïa kane ka kam ki Sengbhalang bad pynthikna ba kam dei ban mih kano kano ka jingjia ïa ki briew kaba ki talasi kot”.