Nongstoiñ: Ka jingiakhun kaba khyndai jong ka lympung Rani Motor’s Knock out football Tournament 2018, bala pyniaid da ka Laitkseh Sport Club, kan long beit ha ka 6 tarik mynta u bnai ka ban dei ruh ka sngi Saitjain bad ka jingiakhun ha katei ka sngi kan long ha pdeng ka kynhun ialehkai jong ka Shillong Lajong FC pyrshah ia ka Marbisu FC.
Na ka liang jong ka Tournament Committee jong katei ka lympung kala pynbna ba ka jingiakhun ka ban long ha katei ka sngi kan sdang noh naduh kapor 2:00 PM bad ha kajuh kapor na ka liang jong ka LSC ka khot ka wer ia ki paidbah riew ieid phutbol jong ka thaiñ ba kin wan ban sakhi dala ki jong ki khmat ia katei ka jingiakhun.