Shillong: U President thym mai ka BJP Meghalaya u bah Ernest Mawrie ula thung ia ki nongkitkam thymmai ka party ha kane ka jylla ba kynthup ia 6 ngut ki Vice President, 2 ngut ki General Secretary naor 6 ngut ki secretary bad u Treasurer.
Ki Vice president ki long u bah David Kharsati, John Manner Marak, u KC Boro, kong Bianca Kyndiah, u Thomas Marak, u Dipayan Chakravarty, katba ia ka kam general secretary la thung ia u bah Sing Mulieh bad GC Nongbet, kam treasurer la bynshet ha u Sarwan Jhunjhunwala. Ki secretary pat ki kynthup u Lakhon Biam, Marian Maring, Arvind Yadav, kong Bernadatte Lyngdoh, ka Sujata Chetri, ka Arandati Paul. Ia ka kam president yuva Morcha la thung ia u bah Krison Langstang bad ia ka kam president ka Kishan Morcha la thung ia u Pramod Koch.
“Ka thong jong nga ka long ban pyniaid ia ka party shakhmat bad ban pynthikna ba baroh ki skhim pynroi ka sorkar BJP ki dei ban poi sha ki paidbah ba dei hok bad ban pyntreikam hok ha kane ka jylla”, u la ong u bah Ernest Mawrie haba kren sha ki lad pathai khubor mynta ka sngi.
Phi don ban ong eiei?