6 ngut ki nongtih dewiong ki la iap, na ka jinghap hapoh krem tih dewiong

Shillong: Ha kawei ka jingjia kaba sngewsih kata ha ka sngi nohphaisngi jong ka 21tarik u Kyllalyngkot 2021, katba ka jylla Meghalaya ka dang rakhe ia ka sngi ba kmen jong ka jylla kata ka Meghalaya’s Day, la don 6 ngut ki nongtih dewiong kiba la khlad noh hadien ka jinghap ka jong ki ha ka krem kaba don ha kawei ka jaka khlaw ba la tip kum ka Deinsalau, kaba don marjan bad ka shnong Rymbai kaba hap hapoh ka East Jaintia Hills District.

Kane ka jingjia ka la jia ha kaba u tyllai cable uba kine ki 6 ngut ki pyndonkam ban kiew ban hiar ha kane ka krem, ula dkut kynsan bad kine ki 6 ngut ki la hap ha kane ka thliew. Ia ka metiap jong kine la pynkit noh sha Khliehriat CHC. Haduh kaba thoh iakane ka khubor na ka liang ki pulit ki dang ioh ban sei tang katto katne tylli ki metiap bad ia ka kyrteng ka jait jong ki trai jong kane ka par dewiong ym pat tip satia haduh mynta.