6 Nailur, yn sdang ka dorbar synrai, yn nym don elekshon Speaker

Shillong: Ka dorbar synrai jong ka Jylla, kan sdang naduh ka 6tarik Nailur 2019 bad ka jingshong dorbar, kan long tang hynriew sngi.

Ha katei ka dorbar, la mang ar sngi, na bynta ki kam jong ka sorkar, ha kaba yn leit rah ia ka demands for grants and supplementary appropriation 2018-19, nangta la mang lai sngi, na bynta ki mat bapher, ban leit rah da ki dkhot jong ka iing.
Ha kane ka dorbar, ym shym don satia ka jing pynbeit ban jied ia u lamphang dorbar ba thymmai; hadien ka jingkhlad noh jong U Dr Donkupar Roy, lamphang dorbar ba rim, ha ka 28tarik Naitung 2019.