Shillong: Na ka liang jongka kynhun Awaken India Movement (AIM), Meghalaya State Unit, ka pynpaw da jingsngewsih, halor ka jingshah pyniap noh ki arngut shipara, napoh ka Shnong Nongrah.
Kumta ka kynhun AIM Meghalaya kan pynlong ia ka jingthang Mombati (Candle Light Vigil) ban pynpaw ka jingsngewlem halor katei ka jingjia ha ka 6 tarik u Jylliew (June), 2022 hapoh Khyndai Lad (Police Bazar) naduh ka por 5 baje janmiet.
Ka kynhun ka khot ka iawer lang ia baroh ki nongshong shnong hapoh ka Jylla kynthei bad shynrang kumjuh haduh ki hep barit ha ryngkatlang kiba haïing hasem jong katei ka longïing kaba shem ia ka jingsngewsih ban iapoi ryngkatlang ha katei ka jaka kumba la pynbeit kum ka dak jongka jingsakhi ban pynpaw ia ka jingsngewlem bad sngewsih khlem da lah ban pdiang ia kaba kum katei ka jingjia hala kajong ka Ri bad ka Jaidbynriew baroh kawei.
Phi don ban ong eiei?