6 bnai shah set phatok ka nongkhaii drok

Shillong, 20 Rymphang:
Ha ka 16 tarik u nailur 2013, ki pulit bad ki nongtrei ka ANTF ki la pynlong ka jingkhynra ha ka iing wai jong ka Smti Lalthazuali Ralte, bad ha katei ka jingleit khynra ki la lap haduh 2 kram u drok Herion. Halor ka tei ka jingioh kurup ia u drok na ka jaka sah katei ka longkmie ki pulit ki la rejistar case ha Rynjah PS case No. 105(09)2013 U/s 21 NDPS Act bad la thung ka jingtohkit halor katei ka jingjia.
La rah ia katei ka jingjia sha ka Ing Bishar jong ka Court of Special Judge, (NDPS) Shillong , bad la rai pynrem ia katei ka longkmie ba khaii drok bad kum ka jingpynshtom la rai ban set byndi ia ka haduh 6 bnai kynthih katkum ka hukum jong ka ing bishar dated 18.02.2014. Ia katei ka kacase la tohkit da u SI M.A.Marak, iathuh u SP ka East Khasi Hills u bah M Kharkrang.