Shillong:U Symbud Myntri rangbah ka jylla u Bah Prestone Tynsong hadien ka jingialang ka kabinet ka ba la long mynta ka sngi u la iathuh ba hadien ba u bah S.Kharlyngdoh u la shong thait noh na ka kam kum u Commissioner Secretary jong ka tnad Ain (Law department) na ka liang ka Sorkar jylla ka la thung ia u bah W.Khyllep ban bat ia ka kam kum u Commissioner Secretary jong ka tnad Ain (Law department) da ka kontrak bases na ka bynta 6 bnai.
U bah Prestone, u pynshai ba ka jingshim ia u bah W.Khyllep ban thung kontrak ia u ha kane ka kam ka long ba u la dei lypa u IAS ba la shongthait bad u dei ruh u ba wan na ka kyrdan ba ia dei bad ka ain.
Kumta na ka liang ka kabinet ka la pdiang ban thung biang ia u bah W.Khyllep kum u Commissioner Secretary jong ka tnad Ain da ka kontrak bases na ka bynta 6 bnai, hadien ka 6 bnai ka sorkar kan sa shim biang ia ka rai.
Phi don ban ong eiei?