6 bnai, duh ñiah kali ba bu-aid

Shillong, 2 Nailur:
Ar ngut ki nongñiah ki la shah knieh ia ka laisen jong ki bad ki la shah pynduh ñiah kali 6 bnai kynthih na ka daw ba ki niah kali bad ka bu-aid kyiad. Ha ka 30 tarik u nailar ki pulit ki la kem ia u Rojestar Kharbikhiew bad ki la pynngat ia u hapoh ki kyndon aiñ U/S 177/179/185 Motor Vehicles Act, 1988. La rejistar ia ka Non FIR Case pyrshah ia u vide Laitumkhrah Traffic Branch Non-FIR Case No. 5/2016 Part-IV bad la rah sha ingbishar jong ka kong L. Kharshiing, Judicial Magistrate First Class, Shillong Court, kaba la rai pynrem ia u katkum ka kyndon aiñ U/S 177/179/185 M.V. Act namarba u niah kali hapdeng ka jingbu-aid kyiad. La daiñ kuna T.2600 tyngka bad u la shah pynduh niah kali hynriew bnai kata naduh ka 30 tarik u nailar haduh ka 1 tarik u lber, 2017,hadien ba la kut katei ka por u lah ban leit shim ia ka laisen jong u na ka Licensing Authority.
Ha ka 31 tarik u nailar pat, la kem ia u Ribhami F. Gashnga bad la pynngat hapoh ka kyndon aiñ U/S 185/187 Motor Vehicles Act, 1988. La rejistar ia ka Non FIR case vide Laitumkhrah Traffic Branch Non-FIR Case No. 2/2016 Part-IV bad la leit rah sha ingbishar jong ka kong L. Kharshiing, Judicial Magistrate First Class, Shillong Court, kaba la rai pynrem ia ka katkum ki kyndon aiñ U/S 185 M.V. Act namarba u niah kali ryngkat ka jingbu-aid kyiad. La daiñ kunai ia u T.2000 tyngka bad la knieh ia ka laisen jong u bad la pynduh niah kali hynriew bnai kata naduh ka 31 tarik u nailar haduh ka 3 tarik u lber, 2017 bad hadien ba la kut katei ka por u lah ban leit shim ia ka laisen na ka Licensing Authority.