5tylli, ki nombar phone ai ka kong Roshan sha ka HNLC

qKa jingiakren iasuk, kaba bang ba thiang:Cherish
Shillong, 14 Nailar:
Ha ka sngi thoh dieng jong ka taiew ba la dep, ba HNLC ka dap 28 snem pura naduh ba la seng ia ka ha ka 14 tarik u nailar 1987, la phah kyr woh sha ki kot khubor da u General Secretary jong ka u bah C. Thangkhiew, ym kumba ju long ba la ju phah da u Publicity Secretary u bah Sainkupar Nongtraw.
Ha katei ka kyrwoh u General Secretary ka HNLC u la ong ba ka sorkar lyngba ka myntri kam pohing ka jylla ka kong Roshan Warjri, ka la phah haduh 5 tylli ki nombar phone sha ki nongialam katei ka seng na ka bynta ban ia kren ia suk noh, ki san tylli ki nom bar phone ba ka kong Roshan ka la phah sha ka HNLC ki dei 9436306051, 9863080333, 9436311857, 8575011857, 9856512843.
Hadien ba la ioh pdiang ia kitei ki nombar phone u bah Thangkhiew u la ong ba ka CEC ka HNLC ka la ai bor ha u,ban ia kren ban ia kren phone bad ka kong Roshan Warjri, bad ha ka jingiakren u la ong ba ka ktien ka thylliej, ka kren ka khana ka long kaba sngewtynnad bad kaba bang ba thiang hynrei kumba ka long mynta u la ong ba I kumba ka kam kren ia suk bad ka HNLC ka la shu kut noh tang ha ka jingiakren Mobile phone, namar ba katei ka seng kam iohi ia ki dak ki shin ka ban iaid shakhmat, hynrei ki shu sahkut hajuh haduh mynta.
U General Secretary ka HNLC u la ong ba haduh mynta katei ka seng ka ieng skhem ha ka nongrim jong ka bad kan iai pyn tyllun ia ki jingtreikam jong ka . Ka la ong ba ym tang ba kan iai trei khlem jingartatien ia kino kino ki kam synshar dobor la ka dei ka jingle donbor na ka sorkar India ne ka sorkar jylla . Ka la ong ba kam pdiang ia ki kam rai donbor jong ka iing kashari halor ka jingkem jubor ia ki Rangbah Shnong kumjuh ruh ka jingkhang jubor ia ki lad pathai khubor jong ki kot khubor. Ka la ong ba ka kashari kam dei ban klet ia ki kam rai jubor jong ka wat ia ka Municipal Election naba ka jingrai beain jong ka,ka la pynlong ia uwei  U Ward Commissioner ha kaba un duh ei ia la ka jong ka jingim, ong ka kyrwoh na u bah C.Thangkhiew.
Lyngba ka kyrwoh u bah Thangkhiew u la khot ruh ia ki samla ka bri u hynniewtrep ba kin wan ban pyn iasnoh ialade bad ban long dkhot ha ka HNLC , u la ong ba lada ki khun samla ki lap shisha ba ka HNLC kam biang ki lah ban mih noh na ka jingling dkhot na ka seng tangba kim ju dei pat ban hikai ialade ha ka ban long khun jynrein wat haba ki la mih noh na ka seng namar,ha ka pyrkhat pyrdain jong ka jaitbynriew Hynniewtrep naduh ki kulong kumah la ju ong ba dei tang ki khwan myntoi,ki kwah burom shimet kiba ju long khun jynrein naba,dei tang ki khun jynrein kiba mih na ka doh bad kiju bam ia la ka jong ka lyngthohdoh. Kum ka jingkynmaw ia ka jindap 28 snem jong ka ka HNLC lyngba katei ka kyrwoh ka ai khublei kitbok kitrwiang sha baroh ki dkhot ka seng. Ka ai khublei kyrpang ruh sha baroh kiba haiing hasem jong baroh ki dkhot ka seng bad khamtam eh ruh sha baroh kiba haiing hasem jong ki dkhot kiba la khlad noh hapdeng ka jingialeh. Ha ka juh ka por ka HNLC ka ai khublei sha baroh ki seng treimon sngewbha kiba treikam na ka bynta ka bha ka miat jong ka Ri bad ka jaitbynriew U Hynniewtrep.Ka HNLC ka ai khublei kyrpang ruh sha baroh ki khun ki Hajar ka Bri U Hynniewtrep kiba long ki Trai Ri Trai Muluk jong ki shnong bad ki Hima bapher bapher shityllup ka Bri U Hynniewtrep, pynkut katei ka kyrwoh.