Shillong, 27Rymphang:
Ka Nongstoin Block Congress Committee ha ka jingialang jong ka kaba la long mynta ka janmiet, kam pat lah ban shim kano kano ka rai ha kaba iadei bad ka jing pyrshah ia ka jingsieh ka Party Congress ia u bah Gabriel Wahlang, President barim ka Meghalaya youth Congress kum u MDc ba shu sieh. Haba ia kren bad u Rupang mynta ka janmiet u bah Albinus Kharbani u la ong ba ka jingialang ka la shim ia ka rai ban khot noh da ka jingialang paidbah ha ka 5 tarik u lber, 2015 ha Nongstoin bad ha katei ka jingialang yn wan ban ia shim bynta lang da ki Unit bapher bapher kaba hap hapoh ka NBCC. Ha katei ka jingialang ka ban long ha ka 5 tarik u bah khar bani u la ong ba kin ia shong shuwa para ma ki, kiba hap hapoh nongstoin bad u la pyntip ba haduh mynta kim pat ai jingtip eiei ruh em sha ka MPCC bad dei hadien katei ka jingialang ba kin shim ia ka rai rangbah ha kaba ki nongtrei Party baroh kin ia donlang. Lah ban kdew ba ka NBCC ka la pyrshah jur halor ka jingsieh MDC ka Congress ia u bah Gabriel ha KHADC, naba ka la kynnoh ba u dei u briew uba ju ialeh pyrshah ia ka seng ha ki elekshon bad dang shen ruh ha ka elekshon MLA, MDC bad MP.
Katba ha ka jingiakynduh bad ki nongthohkhubor mynta ka sngi u bah Gabriel u la ong ba ka jingsieh MDC ia u ka dei ka kam jong ka Party, kaba ma u ruh um shym poi pyrkhat hynrei la shu pyntip mynhynin hi ka sngi ba la phah ia ka kyrteng jong u. U la ong ba ka jingleh ka Party da kaba sieh MDC ia u ka dei ka jingthmu ban pynkhlain ia ka seng Congress ha West Khasi Hills.
Phi don ban ong eiei?