Shillong:Ka seng jong ki nonghikai SSA hapoh ka lama jong ka All Meghalaya SSA School Teachers’ Association (AMSSASTA) da ka jingiatreilang bad ka All Garo SSA LP & UP School Teachers’ Association (AGHSSASTA) kan pynlong ia ka jingiakhih ha ka 5 tarik u Nailur ka sngi ha kaba ka ri India baroh kawei ki rakhe ia ka Sngi burom ki nonghikai (Teachers’ day) na ka bynta ban pynbor ia ka sorkar ba kan pyllait noh ia ka tulop jong ki kaba la kot sha ka 5 bnai kynthih, kata naduh u bnai Iaiong haduh Nailar 2018.
Ka AMSSASTA ka sngewkhia halor ka jingmynthi ka sorkar MDA ban thaw ki lad ki lynti kumno ban pyllait noh ia ka tulop jong ki nonghikai SSA. Kane ka jingpynslem jong ka sorkar ban pyllait noh ia ka tulop ka la ktah jur bha haduh katta katta ia ka iaid ka ieng ka bam ka sa bad ka la ktah ruh ia ka lawei jong ki khun ki kti jong ki nonghikai, kiba dang pule bad khamtam haba ki pang ki shitom.
Kumta ka seng ka la rai ba lada ka sorkar kam pyllait satia ia ka tulop, kam banse ban shong kyllain myngngor, ha ka sngi 5 tarik Nailur, ka sngi kaba long ruh ka sngi kaba kyrpang ia kaba la tip kum ka Sngi Burom Nonghikai.