5tarik jingialang shna surok Dawki

Shillong, 2 Naiwieng:
Kan don ka jingiakynduh lang jong baroh ki longing longsem ki ban shah ktah hapoh ka project ban pynheh bad pynbha ia ka surok Shillong –Dawki. La khot sngewbha ia baroh kito ki longing longsem naduh Jingkieng Umshyrpi shaduh Dawki ki ba la ia shim bynta ha ka jing jurip, ba la leh na ka bynta kane ka project.
La khot sngewbha ruh ia baroh ki Rangbah Shnong bad Sordar Raij jong ki shnong ba hap hapoh kane ka surok ba kin ia wan shim bynta lang ha kane ka jingiakynduh.
Kan don ruh ka jingai jingpyntip halor ka jing jurip jaka ba la pyndep , khnang ba baroh kin ioh jingpynshai na kane ka jing jurip jaka ban ban ai ia ka jingiakyrshan halor kane ka jingthmu ba kongsan ban wanrah ia ka roi ka par ha ka Jylla lyngba kane ka surok.
Ka jingialang kan long ha ka 5 tarik u Naiwieng 2016 ha Sanmer Secondary School, ha Sanmer Mylliem Block, ha ka por 12 baje mynsngi, ong ka kyrwoh na U bah YO Rynjah, Advisor jong ka Japan International Corporation Agency (JICA).