5bnai tulop, dawa ki nonghikai SSA

Nongstoiñ: Ka Seng jong ki Nonghikai SSA, ka AMSSASTA jong ka West Khasi Hills District ha ka jingïalam jong U Babu Peter Thyrniang, ka ïai kyrpad jur ïa ka Sorkar Meghalaya ba kan pyllait noh kloi kloi hapoh mynta hi u bnai Lber 2019 ïa ka tulop ba san bnai’ ryngkat de bad ka arrear ba dang sah phra bnai’. U Babu Thyrniang u la ong ba ki Nonghikai ki la weng noh ïa ka jingkhot khang skul ba shitaïew kynthih, naduh ka 18 tarik haduh 22 tarik Lber 2019, na ka jingkular jong u myntri pule puthi, U Ma Lakmen Rymbui myn ha ka Sngi Palei 14 tarik, 2019 hapoh iing dorbar.
Ñiuma, ïa katei ka jing iakhih, la pynsangeh halor ka jinglong la kloi jong ka Sorkar ban siew dep noh katkum ka jingkren hakhmat ki kotkhubor. Ha kajuh ka por, une u nongïalam u la kyrpad ïa ki para nonghikai hapoh ka jylla ba kin long la kloi ban ïeng tylli lang, ban ïatrei lang bad ban ïasnoh kti lang ha ka ban dawa bad pynurlong ïa ki hok lajong.