5,9 Risaw yn pyni riam ha Shillong

Shillong, 27 Nailur:
Ban kyntiew ia ka kam thain jingthain bad ka ioh kam ioh jam, ka sorkar Meghalaya ryngkat ka jingiatreilang bad ka  M-Star Group na Guwahati kin pynlong ia ka Taiew Pyni Riam naduh ka 5 tarik haduh 9 tarik Risaw ha nongbah Shillong.
U Manas Joshi ka M-Star Group  u la ong ba kane ka taiew pyni riam ka long lyngba ka jing prat lynti jong u Myntri Rangbah u Dr Mukul Sangma ban kyntiew ia ka ioh ka kot jong ki karkhana thain jain. “Kane ka thain ka de kaba riew spah ha ka kam thain jain bad ka lad khaii pateng ha India bad shabar ruh”,u la ong.
Kane ka jingpyni riam kan long ruh shi bynta ban plie lad ia ki thei bad ki rang samla ban plie lad ha ka sap iaid pyni riam ne model kiba dei na kane ka thain . “Halor ka bynta, ka jingjrong jong ki kynthei bad shynrang ruh la pynjynjur”, u la ong.
Kumba ju long ka jingjrong ka dei ban long 5’8, 5’9 phut ia ki kynthei bad 6 phut ia ki shynrang hynrei ha kane ka tamasa yn nym pyrkhing.
Ha kane ka tamasa pyni riam yn don ruh 79 ngut ki model, ha kaba 20 ngut ki nongmihkhmat kin wan iashim bynta na kane ka thain bad nabar.