55.72 percent kiba pass ha ka SSLC, hiar tam ka South West Garo Hills, tang 25.92pc

Shillong: Ka result jong ka Secondary School Leaving Certificate Examination 2019, ka la mih myn hynnin ka sngi bad na 50,050 ngut kiba ialeh baroh kiba pass, ki long 27887 lane 55.72 percent.
Na ka liang ki regular candidate, kiba ialeh baroh ki long 21,892 bad kiba pass, ki long 16,761 lane 76.56 percent. Ka jingdon kiba pass na ki District bapher, ka long 77.06 percent na East Jaintia Hills lane 1,438 ngut, katba ka West Jaintia Hills, ka wan sha ka 75.77 percent lane 2,921 ngut, katba ka South West Garo Hills, ka dei kaba duna tam kiba pass, kaba long tang 25.92 percent percent lane 1179ngut.
Ha kane ka result kaba mynta, ki don 36ngut kiba ioh ia ka kyrdan kaba 20, ha kaba ka Neelam Kumari, na Embee Rosebud Secondary School, Tura, ha kaba ka ioh 577 marks bad ka ioh heh duh ha ki sobjek E,M, S & T, SSc, HPE, H, katba ka Darila Akor Kharmawphlang, na St Mary’s Higher Secondary School, ka wan ba ar, da kaba ka ioh 565 marks, ha kaba ka ioh bun eh ki marks ha ki sobjek E, M, S & T, SSc, HPE, Ae.
Ha ka Higher Secondary School Leaving Certificate Examination (Arts Stream) 2019, ki don 24371ngut kiba ialeh bad kiba pass ki long 76.28 percent. Ka Diana Kharbithai na St Anthony’s Higher Secondary Schoo, ka wan ba nyngkong eh na ki 10ngut kiba ha khmat duh, ha kaba ka ioh 452 marks bad ka ioh heh duh ha ki sobjek E,K,Ec,Ps, Pls, Hs, Ka Prantik Bhattacharjee, na St Anthony’s Higher Secondary School, ka wan ba ar, da kaba ka ioh 446 marks bad ka ioh bun eh ki marks ha ki sobjek E,Pls, Ec, Ps, Hs, Ae. [pule ia ki result ha ka sla 3]