Kiba ioh pang coronavirus ha India, ki la kiew sha ka 56,342 ngut haduh hynnin ka sngi bad na kitei ki don 37,916 kiba dang shah sumar bad nangta sa 16,539 kiba la jem bad 1,886 ngut kiba iap bad kiba iap ha ki 24 kynta ba ladep, ki don 103 ngut.
Kiba pang ha Maharashtra, ki long 16,758 ngut, nangta ka wan ba ar sa ka Gujarat, ha kaba ki don 6,625 ngut kiba ioh pang. La iathuh ba ha ki 24 kynta ba ladep, ka jingdon ki nongpang kiba dang thymmai, ka long 3,561 ngut, 1084 ngut kiba la jem bad 89 ngut kiba iap.
Ha Maharashtra, kiba dang shu ioh pang, ki long 1,216 ngut bad ha Delhi, k don 448ngut, ha Madhya Pradesh 114, ha Rajasthan 110 bad ha West Bengal 92ngut.
Phi don ban ong eiei?