Shillong: Ki nongialam jong ka Hill Farmers Union (HFU) ki la ialam ia kumba 138 ngut ki nongrep kynthup ki dkhot jong ka seng sha ka jaka rep ia u phlang ba pynmih ia ka jingsma iwbuh (lemon grass) kaba don ha Byrwa Ri Bhoi District.
Na ka liang jong ki nongrep ki la pynpaw ia ka jingkwah ban rep ia une u phlang, namar u dei u phlang uba lah ban pynmih umphniang bad uba suk ban rep.
Ha kane ka sngi la ioh ia ka jingbatai na ka liang jong ki ophisar halor kumno ban rep ia une u phlang. Na ka liang jong ka seng Hill Famers Union ki la pynpaw ba kin sa iakren bad ka sorkar ban pynioh ia u symbai.
Kumba la ai jingmut da ki ophisar ban rep lyngba ka kynhun khnang ba yn lah ban pynmih kham bun, ka seng ka la kyntu ia ki nongrep ban form noh ia ki unit ha man la ki shnong khnang ban suk ba pyniaid iew, la ong u bah Commander Shangpliang Predent jong ka HFU.
U la kyntu ruh ia ki nongrep ba kin ai kyrteng ha ki nongialam jong ka HFU ha man la ki district khnang ba yn lah ban iakren bad ka sorkar ban pynioh ia u symbai. Na ka liang jong u bah Alfond u la kyntu ia ki nongrep ba kin wan iakynduh ia ki nongialam ha kano kano ka por lada ki kwah jingshai bad ki lah ban phone ha kano kano ka por da kaba phone ha u number 9366601874 lane 9863512121.
Phi don ban ong eiei?