525ngut kiba ioh kyrdan Ph.D san snem ha Meghalaya

Shillong, 20 Lber:
Hapoh san snem kata naduh u snem 2011 haduh 2015, ka jingdon jong ki nongpule ba la pyndep ia ka kyrdan Ph.D na ki saw tylli ki skulbah kiba don ha ka jylla, ki don 525 ngut bad kane ka long katkum ka jingkhein ba la ioh na ka sorkar.
Ka rekod ka la ong pyni ba ka skulbah kaba sei bun eh kiba pyndep ia ka jingpule ki long ka NEHU, bud sa ka MLCU, katba ka William Carey University bad ka USTM bun ki snem ba ki iaid thylli khlem lah ban sei ia ki kyrdan Ph.D.
Ha u snem 2011, ka NEHU ka sei Ph.D 74 ngut, 94 ngut ha u snem 2012, 117 ngut ha u snem 2013, 125 ngut ha u snem 2014 bad 89 ngut ha u snem 2015. Katba ka MLCU ka sei 3 ngut ha u snem 2011 bad 3 ngut ha u snem 2012, 9 ngut ha u snem 2013, 5 ngut ha u snem 2014 bad 4 ngut ha u snem 2015.
Katba ka William Carey university kam don ba pyndep ia ka kyrdan Ph.D ha 2011, uwei ha u snem 2012 bad kam shym la don ba pyndep Ph. D. Ha UTSM don tang uwei ba pyndep ia ka Ph.D ha u snem 2015.
Haba shim ka jingkhein kyllum, ki don 499 ngut kiba pyndep ia ka Ph.D na NEHU, 24 ngut na MLCU, mar uwei na William Carey bad na USTM hapdeng kine ki san snem ba la dep.