Mynta ka miet, ka Tottenham kan ia khun pyrshah ia ka Liverpool ha ka jing ia knieh ia ka nam lahduh, ha ka ialehkai Champions League.
Ka jingialehkai kan long ha ka por 12.30 ha ka por India bad kan long ha Madrid, ka nongbah jong ka Spain.
Ka dei ha ka sien nyngkong, ba ki team kiba ia kynduh phainal, ki dei baroh ar tylli na United Kingdom.
La khmih lynti, ba kin don kumba 1lak ngut ki nongpeit kai ha ka Stadium jong ka Wandra Metropolitano bad la iathuh ba ki don bun ki nong kyrshan jong ki ar tylli ki team.
Kat haduh ba thoh ia kane ka khubor, ym pat lah satia ban pynthikna ia ki nongialehkai, ki ban iakhun mynta ka miet na kano kano ka liang bad la khmih lynti ba ki nongialehkai ba triem jong ki ar tylli ki team, kum U Harry Kane jong ka Tottenham bad nangta sa U Mohamed Sallah jong ka Liverpool, ba kin ia shim bynta bha ha katei ka jingiakhun mynta ka miet.
U Kane, um shym la mih satia ban ialehkai , hadien ka 9tarik Iaiong 2019, namar ba u don ka jingmynsaw na ka kti jongu.
Phi don ban ong eiei?