|
Shillong:Ka Kynhun jong ka Meghalaya Democratic Alliance kan sa shong shen, ban iathir iatai sani halor ka jingshahrem jong u kyrtong monlang ba la pynieng da ka United Democratic Party, u Dr. Jemino Mawthoh ha ka elekshon sha ka dorbar Lok Sabha ba dang shu dep long shen.
 U Dr. Jemino Mawthoh uba long ruh u General Secretary ka United Democratic Party kaba long ka kynhun kaba kyrshan ia ka sorkar MDA ba la ialam da ka National Peoples Party ha ka jingiakren bad ki lad pathai khubor ha ka 28 tarik, u Jymmang, 2019, u la iathuh ba ha kane ka jingialang, ka MDA kan sa tih bniah ia ki daw tynrai halor ka jingshah rem jong u ha ka elekshon Lok Sabha na Shillong Parliamentary Constiteuncy,wat la ka kynhun MDA ka dei kaba bat ia u lakam synshar ha ka Jylla namar lada bishar ia ka jingioh vote jong u kyrtong ka Seng Congress u Ma Vincent H. Pala ha u snem 2009, ka long tang 48.4 percent, ha u snem 2014 ka hiar sha ka 33.8 percent katba ha ka elekshon jong une u snem 2019, ka jingioh vote ka la kiew syndet sha ka 53 percent.
“Ka daw bah jongka jing shahrem jong nga ka long ba ki paid bah ha ri khasi Jaintia ki long ki ba shisur shidur bad ki tieng ia ka Citizenship Amendment Bill bad na ka liang ka Congress haba ia dei bad kane ka bill ki la pynsheptieng bha ia ki paidbah” la ong u Dr Jemino Mawthoh.
U Dr Jemino u la ong “Halor ka jingshah kynnoh ba na ka liang ka MDA bad na ka liang UDP, kam ndon ka jingtrei shitom bad ki don ruh ki jingshah shet kylla kumta ter ter kane ka long kaba bakla. Hooid lah ban ban don ka jingiajan hangne hangtei hynrei ngim buhnud ngam kynnoh ngam don eiei ban kynthoh ia ki”.
|
Phi don ban ong eiei?