|
Shillong:Hynnin ka sngi, ka Joint Action Committe kum ka dak ban pynrem ia ka jingshah pyniap dusmon u rangbah khasi ka la pyndeng da ki lama iong ha ka shnong Mawlai Mawroh.
 Na ka liang u chairman ka JAC u bah Donboklang Khar Lyngdoh u la ong “Ka seng JAC la seng ym tang ban pynkut noh noh tang ban leh burom ne ban leh burom ne ban leit on ia ka met ha lum jingtep, hynrei la seng ia kane ka JAC ban bud dien bad ban pynbor ia ka por pulit ban kem mardor ia ki kynhun runar.”
U bah Donboklang Khar Lyngdoh u la kyrpat ruh ia ka homeguard deparment ba kin iarap ia kane ka long ing u bah Dismarlin Lyngdoh Lyngkhoi.
U bah Donboklang u la iathuh ba ka JAC kan sa pynlong ia kajingialang ban pynpaw sha ki tnad pulit ba ka JAC Mawlai kan ym hun kan ym suk khlem da ioh ban pynshitom kat kum ka ain ia kine ki nong pyniap briew bad ban wanrah ia ka jingshong suk shong shngain ia ki paradoh parasnam kiba leit bylla shabar ka Mawlai.
Na ka liang ka seng JAC ka la ong ba ki trok jong ka company u Saikia kim bit ban wan rung ne iaid laitlan ha jylla Meghalaya kat ba ym pat lah ban kem ia kine ki nongpyniap briew.u bah Donboklang Kharlyngdoh u la iathuh ruh ba la don teng ka jing bat bor pyrshah ia u nongniah trok bad nongbud trok jong ka company u Saikia ha Mawlai ha ki snem ba la leit.
U Chairman ka JAC haba iakren bad ki nongpathai khubor u la ong “Kat kum ka jingtip na ka liang ki pulit ki la ioh ban kem ia ki saw tylli ki kali kane ka pynpaw ia ka jing bymler ka tnad pulit ba lada ki jait bynriew jong ngi ki leh kam sniew tang hapoh ki kynta la ioh ban kem ia ki hynrei naduh kato ka sngi ba la ioh ba ki la tip shai ba ki dei ki nongniah trok ki ba pyniap ia u bah Dismarlin, hynrei balei hadien ka 12 kynta ruh kim pat ioh kem hynrei ka ne ka dei tang ka jing ai lad ia ki ba kin ioh phet rieh na kane ka jylla Meghalaya”.
Ka JAC ka dawa na ka tnad pulit ba kan pyni ia ka kam bad ka seng kan bud dien bad pyntikna iaka longing u bah Dismarlin kiba ap ia u soh jingkyrmen kan sa wanrah.
|
Phi don ban ong eiei?