Ka Assam, ka la knieh jubor ia ka permanent home ki Jaintia: 500 square miles, ka jaka ki Jaintia, la khlong jubor bad pyn iasoh bad ka Mikir Hills

Shillong:U Ma Philomath Passah (84), u dei u doctorate jong ka Economics, na Gauhati University bad mynta u shong u sah ha Laitumkhrah, hadien ba ula shong thait na ka kam hikai ha North Eastern Hills University (NEHU).

Ha ka jing iakren bad U Rupang, halor ka jing pynbeit pud jong ka sorkar Meghalaya bad ka Assam, kaba dang iaid ha kine ki sngi, utei u rangbah, u iathuh ba ka la don ka jing lehbein ia ka Jaintia hills, ha kaba ka Assam, ka la shim jaka na ka Jaintia hills bad pyn iasoh bad ka Mikir Hills. “Kata ka long kawei ka jingjia, kaba pynsngewsih ia nga kum uwei na ki nongshong shnong jong ka Jaintia hills. La jan dap shiteng na ka Jaintia hills, ka shim jubor. Ka don ka komishon, na bynta kata ban thaw ia ka district thymmai, kaba ki khot United Mikir and North Cachar hills. Ha ka jing iadei bad kata ki la khlong, la jan dap mar shiteng na ka Jaintia hills, ban pyniasoh bad ka Mikir hills, ka bym don jing iadei pud eiei ruh bad ka Jaintia hills. Ka Mikir hills, ka jngai da ki spah mer sha Mihngi, ka jan sha Nowgong bad Sibsagar District ha kata ka por, hynrei ki khlong pynban na Jaintia hills, ban pyniasoh bad ka Mikir Hills” bad katei ka dei ha u snem 1951, ong U Ma Passah, ha kaba ki khot mynta ka West Karbi Anglong District, ha kaba ki don ki jaka, ba la ju kynmaw bha, kum ka Block I, Block II.

“Haduh mynta ia kane ka problem, ym lah ban solve, namar ka Jaintia hills, ka ialeh pyrshah, ba dei ban ioh biang ia kane” bad u iathuh ba ka Assam, ka shim ia ka Nongphyllut Dolloiship baroh kawei. Ym tang katta ka khlong na ka Raliang Dolloiship, na ka Shiliang Myntang Dolloiship, na ka Nongjngi Dolloiship, khyndiat khyndiat bad kawei ka Sirdarship ka shim lut bad ula ong shuh shuh “Katei ka jaka, ka dei ka permanent home jong ki Jaintia. Ki Mikir, ki don la ka jaka shong jongki sha Mihngi, hynrei la pyn iasoh jubor da kata ka komishon jongki, ha kaba na Jaintia, u don tang uwei u member, U MLA jong ka Jaintia” bad u ong shuh ba uwei U MLA na Jaintia hills, um lah ban ialeh pyrshah ia ki 6, 7 ngut kiwei pat ki dkhot jong katei ka komishon.

Halor katei ka mat, U ma Philomath, haba kynthoh halor kane ka jing ia pynbeit pud, u ong “Ha ka jingshisha, ngi khmih lynti ia ka Assam, ba kan pynphai noh ia ki jaka, ba ka la shim na ka Jaintia hills, kat kum ka map 1951 lane ka pre 1951 map” bad katei ka jaka, kaba la shim da ka Assam, ka dei kaba heh haduh 500 square miles.

U Ma Passah, u dawa ba ka Assam, ka dei ban pynphai noh ia ka Nongphyllut Dolloiship bad sa kawei ka Sirdarship, namar ba kitei ki briew, ki kwah ban neh sha Jaintia hills bad u Ma Passah, u iathuh ba kitei ki jaka, ki dei kiba la ithuh da ka sorkar phareng, kum ka jaka ki Jaintia hills bad ym tang katta, hynrei ka riti synshar ri, ruh, ka la dep ithuh bad kumta, ki dei ban pynphai noh ia kane, namar ka long unconstitutional lane ka long pyrshah riti synshar, kaba dang shu pynjari ha ka 26tarik Kyllalyngkot 1950, hynrei hapdeng hapdeng 15 bnai, kaba dei ha U Iaiong 1951, ka la leh pyrshah ia ka riti synshar, namar ba ka riti synshar, ka ong, katba kum ka part 10, ba ym dei ban pynkhih ia ka jaka shong jong ki riewlum, hynrei de ban iada ia ki jaka shong jongki, ula ong shuh shuh.